'ህገ መንግስት'?

 

'ህገ መንግስት'?

ያኔ 

መሰረት ሲበጃጅ

ላገር እንዳዲስ ቤት፣

ዳቦ ስም ሲወጣ፣

ለዘመን ህልም ማሸት፤

ምን አሰበን ነበር

ያልነው "ተስማምተናል፣"

ነገድነት ይንገስ

ሰውነት በቅቶናል!

 

አይደለም ወይ ቃሉ

የሰነዱ አንድምታ

ሃገር ሰው አልባ ትሁን

ነገድ ብቻ እውነቷ?

 

ዛሬ 

ታድያ  ደርሰን

"አቤት" "ዋይ" ምንለው፣

በነገድ ፍርድ ቤት

ሰው መቼ ደም አለው?

በቋንቋስ ምህዋር ውስጥ፣

እልቂት መች ፍች አለው?  

ነገ 

የሰነዱን ቁመት፤ ወርድና፤ ጥጋጥግ

በልተን፤ሰንጥቀን፤ህመሙን ሳንፈልግ

ሰውነትን ሳንዋጅ፣ ሰውን ሳንደነግግ

እልቂት ብንረግም በደም ብንበረግግ፣

መሆናችህ አይደል በሃሳዊ ብግነት

ላራጅ ለገፋፊ ቢላ ሚያፈላልግ?

....................................................................

=የኢትዮጲያ ህገ መንግስት መስረታዊ ተፋልሶዎች በፈጠሩት  መድልዎ ምክንያት በየግዜው ህይወታችውን ለሚያጡ ዜጎች።  

መተከል

 

መተከል

ልክ እንደ ፍዝ ግጥም፣ ቤት መምቻው ሚደግም፣

የዘመኔ መርገም አንዱ ካንዱ አያርም ፣

ሚደፋ ባንድ ቃል፣ሚመታ ባንድ ቃል፤ 

ጅግጅጋ  መተከል

ድሬ       መተከል

አዳማ     መተከል

ሻሸመኔ   መተከል

ማይካድራ   መተከል

መቀሌ       መተከል

ሁመራ        መተከል

መተከል    መተከል

ኮንሶ         መተከል 

አርሲ       መተከል 

መ

ተ

ከ

ል

.......

በግፍ ለተገደሉ ኢትዮጵያውያን ሁሉ።